Pjotr Alexejewitsch Kropotkin

Dr Pjotr Alexejewitsch Kropotkin (russisch Пётр Алексеевич Кропоткин, wiss. Transliteration Pëtr Alekseevič Kropotkin; * 27. November^jul./9. Dezember^greg. 1842 z Moskau; † 8. Februar 1921 z Dmitrow) isch e russische Anarchist, Geograf und Schriftsteller gsi.

Wäge sinere aadlige Abstammig und wil er im spoote 19. und früeje 20. Joorhundert as Anarchist bekannt gsi isch, säit men em Kropotkin au dr anarchistischi Fürst. Er het e Hufe Schrifte hinderloo, drunder die revoluzionääri Schrift Die Eroberung des Brotes^[1] und si wüsseschaftligs Wärk Gegenseitige Hilfe in der Tier- und Menschenwelt. Dr Kropotkin het für e Gsellschaft kämpft, wo frei vo Gwalt und Herrschaft wurd si. Er gältet as äine vo de iiflussriichste Theoretiker vom kommunistische Anarchismus.

↑ Vgl. Max Nettlau: Geschichte der Anarchie. Band 4: Die erste Blütezeit der Anarchie 1886 – 1894. Kapitel III, Kropotkins Werke Landwirtschaft, Industrie und Handwerk und Die Eroberung des Brotes, Schriften der Jahre 1888 bis 1891.

[1] Vgl. Max Nettlau: Geschichte der Anarchie. Band 4: Die erste Blütezeit der Anarchie 1886 – 1894. Kapitel III, Kropotkins Werke Landwirtschaft, Industrie und Handwerk und Die Eroberung des Brotes, Schriften der Jahre 1888 bis 1891.

[1]